Zer dira?

Gantzak makronutrienteak dira, eta lipido izenarekin ere ezagunak dira.

Glizerol molekula bati lotutako hiru gantz-azidok (triglizeridoa) osatutako egitura kimikoa dute, eta molekulan dauden lotura bikoitzen arabera sailkatzen dira.

Funtsean, hiru gantz-mota daude, eta gantz aseak eta trans gantzak kaltegarriak dira osasunerako:

  • Gantz aseak: ez dute lotura bikoitzik eta, nagusiki, animalia-jatorriko elikagaietan daude.
  • TRANS gantzak: hidrogenazio gisa ezaguna den industria-prozesuan sortzen dira; molekulen konfigurazioa aldatzen da, eta gantz asegabeak gantz ase bihurtzen dira.

Gantz biak solidoak dira giro-tenperaturan.

Ingestio-gomendioak

OMEk biztanleria orokorrarentzako gomendatzen du gantz aseen ahorakinak eguneko energia-kontsumoaren % 10 ez gainditzea. Industrian sortutako trans gantzak saihestu egin beharko lirateke, edo bestela, % 1 baino gutxiagoko ingestioa izaten saiatu behar da.

WP Table Builder

30 g gantz ase   

25 g gantz ase    

Gantzen funtzioak

  • Energia-iturri nagusia dira, hartutako gantz gramo bakoitzeko 9 kcal ematen dituztelako.
  • Gorputzeko organo batzuk babesten dituzte.
  • A, D, E eta K bitaminak garraiatzen dituzte odol-fluxuan zehar.
  • Hormona batzuk erregulatzen dituzte.
  • Zelula-mintzak osatzen dituzte.
  • Maila teknologikoan, elikagai-produktuak gozoagoak egiten dituzte.

Osasunean dituen ondorioak

Gehiegi kontsumitzen badira, oso kaltegarriak dira, eta zuzenean edo zeharka honako hauek eragiten dituzte:

  • Arteria-hipertentsioa.
  • Arteria koronarioetako gaixotasuna.
  • Tronbosia.
  • Arterioesklerosia.
  • Diabetes mellitus-a.
  • Azido urikoa handitzea.
  • Artikulazioetako, digestioko eta arnas gaixotasunak.
  • Tumoreak.
  • Nahasmendu psikologiko eta psikiatrikoak.

Gantz aseak etiketan

Elikagai-produktu batean dauden gantz aseen kopurua ezagutzeko, informazio nutrizionala (taula) irakurri behar da.

Taula horretan produktuak guztira duen gantz-kopurua adierazten da, eta, gainera, produktuaren 100 gramo bakoitzeko dauden gantz aseen gramoak ere adierazten dira.

Nutrizio adierazpenak

• GANTZ-EDUKI TXIKIA: 

  • gehienez 3 g/100 g solidoetan
  • gehienez 1,5 g/ 100 ml likidoetan
  • esne erdigaingabetua: 1,8 g/100 ml

• GANTZIK EZ: gehienez 0,5 g/100 g edo ml  

Debekatuta dago “% 0 gantz” eta antzeko adierazpenak erabiltzea

• GANTZ ASEEN EDUKI TXIKIA: gantz-azido aseen eta gantz-azido trans-en batura gehienez 1,50 g/100 g-koa (solidoak) eta 0,75 g/100 ml-koa (likidoak) izango da. (EZINGO DUTE BALIO ENERGETIKOAREN % 10 GAINDITU)

• GANTZ ASERIK GABE: gantz-azido aseen eta gantz-azido trans-en batura gehienez 0,1 g-koa izango da 100 g edo 100 ml bakoitzeko.

• GANTZ-EDUKI MURRIZTUA: edukia murrizteak esan nahi du antzeko beste produktu batekin alderatuta edukia gutxienez % 30 txikiagoa dela.

Gantz Aseak eta Trans ArbelaDeskargatu PDFa

Sortze Data: 2025/05/12