Gertuko azoketan elikagaien ekoizleak eta kontsumituko dituzten pertsonak egoten dira aurrez aurre.

Azokek produktu freskoak merkaturatzeko erraztasunak emateaz gain, lurraldeetako elikagaien eta ondarearen kultura sustatzen dute.

Herri askoren tradizio historikoaren eta kulturalaren parte da asteko egun jakinetan azokak antolatzea, ohiz aire zabalean, nekazaritzako elikagaien ekoizleek beren produktuak saltzeko.

Azokako fruta eta barazki postu guztiak ekoizleak edo nekazariak al dira?

Ez, frutak eta barazkiak merkaturatzen dituzten pertsonen postuak ere badaude, eta produktuak handizkakoei, azokei, ekoizleei, eta abarri erosten dizkiete.

Beraz, azoketan fruten eta barazkien ekoizleak (ekoizten dutena saltzen dute) eta/edo merkaturatzaileak (landareak erosi eta ondoren birsaltzen dituzte) aurki ditzakegu.

Nola antzeman ekoizleen postuak?

Identifikazio-txartel batek baimenaren titularraren eta bere izenean jarduteko baimenduaren datuak izango ditu, bai eta saltzeko baimendutako produktuak, helbidea eta NUE kodea ere, hau da, ustiategia identifikatzen duen kodea.

Non ikus dezaket identifikazio-txartel hori?

Kontsumitzaileentzat/bezeroentzat toki ikusgaian ipiniko da. Normalean, eroslearen parean jartzen da.

Nork baimendu eta kontrolatzen ditu azoketan jartzen diren postuak?

Udalek, udal-ordenantzen bidez, oinarriak eta prozedura zehazten dituzte postuak adjudikatzeko. Hala, beharrezkotzat jotzen dituzten kontrolak egingo dituzte behar bezala erabiltzen direla bermatzeko.

Zer informazio izan behar dute EKOIZLEEK ZUZENEAN SALTZEN DITUZTEN landare-produktuek?

Elikagaien etiketatzea (fruta eta barazki freskoak barne) (EB) 1169/2011 Erregelamenduak arautzen du Europan.

Sal ditzaketen produktuak:

  1. Solte: zuzenean kontsumitzaileari saltzen zaizkionean ez da nahitaez informazioa etiketatu behar. Errotulu edo kartel batean adieraz daiteke edo ahoz azaldu.

    Honako informazio hau izango dute:
    • Elikagaiaren izena (edukia kanpoaldetik ikus badaiteke, ez da beharrezkoa izango izena).
    • Prezioa.
  1. Ontziratzeak: etiketatu behar dira eta 1169/2011 Erregelamenduak xedatutakoa beteko dute.

    Etiketak informazio hau jasoko du:
  • Elikagaiaren izena.
  • Jatorrizko herrialdea.
  • Eduki garbia.
  • Operadorearen izena edo izen soziala eta helbidea.
  • Lotea.
  • Birziklatzearen marka/ontziaren azken helmuga (edukiontzi horia, plastikozko eta metalezko ontziak edo edukiontzi urdina, papera eta kartoia).
  • Merkaturatze-arauak bete behar dituzten produktuen kasuan (sagarrak, zitrikoak, kiwiak, urazak eta hosto kizkurtuko eta hosto leuneko eskarolak, muxikak eta brinoiak, udareak, marrubiak, piper gozoak, mahaiko mahatsa, bananak eta tomatea), kalibrea, kategoria eta barietatea

Zer osasun-baldintza bete behar ditu fruta eta barazkien postu batek?

  • Alta emanda egotea NUEan (REGEPA) lehen mailako ekoizpena ziurtatzeko pertsona edo erakunde eskatzailearen izenean.
  • Elikagaien higienearen arloan prestakuntza. Prestakuntza hau egiteko ikastaro eskuragarria daude IkasELIKA estekan.
  • Produktuen etiketatze-araudia eta salmenta postuen higiene, manipulazio eta garbiketaren jardunbide egokiak betetzea

Zergatik erosi gertuko azoketan eta ekoizleei?

mercado feria
  • Tokiko ekoizleak bultzatzea.
  • Produktu freskoagoak, kontsumitzaileari bildu bezain laster iristen baitzaizkio.
  • Ingurumen-inpaktu txikiagoa (garraio eta biltegiratze gutxiago).
  • Sasoiko produktuen eskuragarritasuna.
  • Elikagaien eta ekoizten duten pertsonen jatorria hobe ezagutzea.

Gertuko produktuak kontsumituz gero, lana mahaira hurbiltzen da, eta kontsumitzen ditugun elikagaien jatorria ezagutzen dugu